نێروەیی هێژای خزمەتێ نە، دەڤەرا مە ئاڤەدان بکەن

نێروەیی هێژای خزمەتێ نە، دەڤەرا مە ئاڤەدان بکەن

FB_IMG_1592671379406.jpg

رێز و ڤیان، سلاڤ ژ بەرلین یا دیروکی تا کەلها نێروە یا بەرخوەدانێ.

ئەڤ سلاڤە بو تەڤایا گەلێ سەربلندێ دەڤەرا نێروەیان

پشتی بهتر ژ ۳۰ ساڵان تازە ئەم داخوازا دەرخستنا هێزێن چەکدارێن کەجەکێ و لەشکەرێن داگیکەرێن وەڵاتێ زورێ دکەین و داخوازێ ژ حکومەتا قەیرانان و تایبەت د ڤێ رەوشێ دا دکەین داکو دەڤەرا شورەشگێران ڤەگەرینەڤە و ئاڤەدان بکەن.

هەڵبەت پشتی ۳۰ ساڵان، دیسان ژی ئەڤرو باشترە ژ سبە روژێ، لێ ئەو ژی بێی شەرەت و مەرج پێویستە هەموو خەلکێ ب شەرەفێ دەڤەرا نێروەیان یەک بن، یەک دەنگ، یەک هەلویست و یەک رێز.

بڤی شێوەی دێ گەنجێن وین گەرمێن دەڤەرا قارەمانان د پروژێ دەرخستنا وان هێزان و ئاڤەدانکرنا گوندان دا سەرکەفتی بن.

هەڵبەت هزرێن پارتایەتی (ئایدولوژیا حزبان) بو ڤی پروژێ دیروکی پێویستە د سەر و ناڤا مەژیێ گەنجێن دلسوزێن نێروەیان دا نەبیت، کەواتە هزر و بیرێن وان ژ پارتێن وان بەرفرەهتر بیت، داکو بشێین ئەم هەموو پێکڤە بسەرکەڤین.

داخوازا مە وەکو دلسوزێن دەڤەرا عەگید و خوشمێران

داخواز تەنها و تەنها بو سەروکاتیا پەرلەمانێ کوردستان و سەروکاتیا حکومەتا کوردستانێ یە.

نابیت هیچ لایەن و کەسەک تەڤی پروژێ مە بیت نە بو باشترکرن یان ژی خرابکرنێ.

ـ زوترین کات هێزن لەشکەری یێن چ لایەن و وەڵاتی بن پێویستە ژ دەڤەرا نێروەیان دەربکەڤن.

ـ پشتی دەرکەتنا وان هێزان، پێویستە حکومەتا کوردستان، کومیتەیەکا بلند دروست بکەت بو سەرپەرشتی کرنا ئاڤەدانکرنێ، هەڵبەت لگەل نوێنەرێن دەڤەرێ.

ـ ئەڤ کومیتە سەردانا دەڤەرێ بکەت، نەخشەیێ ئاڤاکرنێ پێشکێشێ دەستهەلاتێ بکەت، ب رەزامەندیا خەلکێ دەڤەرێ.

ـ هەموو نێروەیی ب بریارەکا پەرلەمانێ، حکومەت وان قەرەبوو بکەت، یەکەم ئاڤاکرنا دەڤەرێ، دووەم قەرەبویا شەوتاندنا گوندان، کوچێن ئەنفالان، سەرهلدانێ.

ـ هەموو نێروەیەکێ کوچکری ل دمێن شەوتاندنا گوندان تا سەرهلدانا ۱۹۹۱ێ پێویستە د لیستا شەهیدێن سەربەرز دا بهێنە تومارکرن و زارویێن وان خودێ داهاتەک بن.

ـ سێ لیستە بهێنە ئامادەکرن، لیستا یەکەم تومارا ناڤێن هەموو نێروەیان، لیستا دووەم ناڤێن هەموو شەهێدێن نێروەیان، لیستا سێیەم ناڤێن هەموو پێشمەرگەیێن نێروەیی.

پێویستە کەلها نێروە، ب بیتە شوێنەکێ دیروکی و د چارچێڤەیا موزەخانەیەکێ دا بهێتە پاراستن.

ـ پێویستە ئەو گوندێن دکەڤنە سەر روبارێ زێیێ مەزن، وەکو شوێنێن گەشت و گوزاری بهێنە ئاڤاکرن، داکو خەلکێ دەڤەرێ ل وان شوێنان کار بکەن و ب بنە خودانێ داهاتێن وان شوێنان.

ـ پێویستە ل وان گوندێن شوێنی چاندنێ و خودانکرنا کەرشوتەوالی هەبیت، بهێنە ئاڤاکرن و خەلکێ دەڤەرێ ژ وان شوێنان مفاوەرگێر بیت.

ـ ژبو جوانی و خراب نەبونا سروشتێ دەڤەرێ، پێویستە گوندێن دەڤەرێ وەکو گوندێن ئەوروپی بهێنە ئاڤاکرن ب گورەی هەژمارا ئەندامێن ماڵباتان و گەنجێن د ژیێ هەڤژینیێ دا ل بەر چاڤ بهێنە وەرگرتن، بێ بەهر نەبن ژ خانی و داهاتی.

ـ د دەما ئاڤاکرنا گوندێن دەڤەرا نێروەیان، پێویستە هەموو کارکەر و سەرپەرشت ژ خەلکێ خوەجهێ دەڤەرێ بن.

ـ پێویستە گوندێ بێبو وەکو ناوچە (ناحیە) ڤەگەریت و ناوچەدارێ دەڤەرا نێروەیان، کەسەکێ نێروەیی بیت و سەرپەرشتێ گشتی بیت.

ـ پێویستە هەر گوندەکێ دەڤەرا نێروەیان، ئەنجومەنێ گوند ئاڤابکەن، پاشی بهەڤرا ئەنجومەنێ دەڤەرێ ب سەروکاتیا ناوچەداری ئاڤا بکەن.

ـ پێویستە ب گورەی هەژمارا خوێندەکاران، خوێندنگەهـ بهێنە ئاڤاکرن، ژبەر رولێ دەڤەرێ د شورەش و سەرهلدانان دا، پێویستە پەیمانگەها پێگەهاندنا ماموستایان یان ژی پەیمانگەها گەشت و گوزاری ل دەڤەرێ بهێنە دامەزراندن.

ـ پێویستە نێروەیێن ل ئەوروپا و ئەمریکا، ب هەموو شیانێن خوە هاریکار و حزمەتکارێن ئاڤاکرنا دەڤەرێ بن، لگەل خەلکێ دەڤەرێ وهەروەسا لگەل حکومەتێ.

ـ پێویستە نێروەیێن ل ئەوروپا، ئەنجومەنێ نێروەیێن ئەوروپا ئاڤا بکەن و ئەو ئەنجومەنە ب شێوەیێ کومەلەیەکا کولتوری، زانستی، ئاڤاکرن، ئابوری و هتد بیت، داخوازەکا فەرمی پێشکێش یەکێتیا ئەوروپا بکەت، د وێ بودجەیا بودەرڤە دهێتە خەرج کرن، دەڤەرا نێروەیان ژێ بەهردار بیت.

ـ پێویستە ئەنجومەنێ نێروەیان ب شێوەیێ کومەلەکا فەرمی ل ئەڵمانیا بهێتە ئاڤاکرن، ب گورەی یاسا و دەستورێ ئەڵمانیا مفا ژ ئاڤەدانکرنا دەڤەرێن وێران ل جیهانێ و ئاڤاکرنا خوێندنگەه و شوێنن گەشت وگوزاری وەربگریت.

ـ پێویستە ئەو ئەنجومەنێ ل ئەوروپا و ئەمریکا، ب پروژە و پەیوەندیان، لایەن و کومپانی و بازرگانێن کورد و ئەوروپی و ئەمریکی رازی بکەن بو هاتنا وان بو دەڤەرێ و پێشکێشکرنا خزمەتان، ژ ئاڤاکرن و بەرهەمهێنان و دامەزراندنا نوێنەراتیێن کومپانیێن وان و ئینانا گەشتیاران.

ل ڤێرە ئەز وەکو کورەکێ دەڤەرا سەربلندا نێروەیان، کو ل ئەوروپا نێزیکی بیست ساڵانە وەکو روژنامەڤان، چالاکڤان و ئەندامێ پارتیا دەستهەلاتا ئەڵمانیا (سی دی یو)، بناڤێ نێروەیی دهێمە نیاسین و خزمەتێ دکەم.
هەموو وان شیانێن خوە بو خزمەتکرنا دەڤەرا سەربلند دێ بکارئینم، و ئامادەمە ب پروژە دەنگ و استەکا خەلکێ دەڤەرێ بگەهینمە پەرلەمانێن ئەوروپا و ئەڵمانیا و دەستهەلاتا ئەڵمانیا.

خزمەتکارێ دەڤەرا نێروەیان

روژنامەڤان
ئارمانج نێروەیی ـ بەرلین
Armanc Agîd Nêrweyî

 

https://www.facebook.com/groups/336650473909338/permalink/556737155234001/


Armanc Agîd Nêrweyî    تواصل مع كاتب العريضة

التوقيع على هذه العريضة

بتوقيعي على هذه العريضة، فأنا أسمح لـArmanc Agîd Nêrweyî بتقديم توقيعي لأصحاب الصلاحية في هذه القضية.

المتابعة باستخدام فيسبوك
أو

سوف تتلقى بريدًا إلكترونيًا يحتوي على رابط لتأكيد توقيعك. لضمان استلامك رسائلنا الإلكترونية، يرجى إضافة info@aredaonline.com إلى دفتر عناوينك أو إلى قائمة العناوين الموثوق بها.

يرجى ملاحظة أنه لا يمكنك تأكيد توقيعك بالرد على هذه الرسالة.

إعلان مدفوع

سنقوم بالإعلان عن هذه العريضة لـ3000 شخص.

اعرف المزيد...