عريضه لجمع تواقيع الملاك المتضررين من قانون الايجار القديم والمطالبه بتغيره السودان

<span;>عايز اتكلم عن موضوع للاسف بقا عادة في مجتمعنا السوداني...

<span;>اللي هو الايجارات ومشاكل المؤجرين البقت شبه معروفة وحتمية وانو الخلاف ببدا من يجي صاحب العقار ويطلب بيتو من المؤجر، والمؤجر بدورو بتخلع !!!

<span;>المؤجرين ديل انا بقيت ما فاهماهم والله صراحة!
<span;>يعني هل انتا وقت جيت توقع العقد في زول غشاك قال ليك ده عقد تمليك والدفع بالاقساط!!!
<span;>ولا المفروض ختيت عفشك معناها البيت بقا ملكك!!؟
<span;>ليه المعاناة دي يعني؟!
<span;>اغلب المؤجرين الا من رحم ربي بقو بفتشو على طرق للتحايل وعدم الخروج والقعاد المجان اطول فترة ممكنة؟
<span;>طيب ده ما لكن اكل لمال غيرك بالباطل!!! عادي عندك يعني!!
<span;>ما دعوة واحدة من المظلوم بتعقد ليك حياتك اكتر مما هي معقدة
<span;> لكن المصيبة انهم شايفين روحهم على حق وما غلطانين!! وانو صاحب البيت طالما هو صاحب البيت هو الغلطان والظالم !

<span;>الايجار فهمو بسيط...
<span;>هو بيع منفعة لشئ معين معلوم لمدة زمنية معينة وباجر متفق عليه من الطرفين ...والعقد ملزم للطرفين، الجملة دي الصعب فيها شنو؟!

<span;>من حقك يالمؤجر انك...
<span;>تقعد في البت المدة المتفق عليها بدون ازعاج من صاحب البيت بالسعر المتفق عليه البتسلمو في المده المتفق عليها.

<span;>ومن حق صاحب العقار...
<span;>انو يستلم ايجاره في المدة المتفق عليها ويسترد بيتو بعد انقضاء الزمن المتفق عليهو.

<span;>لكن يجو المؤجرين يرفضو تسليم البيت بعد انتهاء المدة ...ياخ ده ما الوقعتا عليو وما من حقك...يعني حرااام عليك وكل يوم تقعدو بدون رضا صاحب البيت انتا حرامي زيك زي ناس ٩ طويلة وغيرهم.

<span;>وتجي تقول لصاحب العقار امشي المحكمة؟
<span;>انتا لو فعلا جاهل حقك ومعتقد انو صاحب العقار بظلمك ...اي معليش اطلب حكم المحكمة
<span;>لكن تقول لي كده عشان في قرارة نفسك عارف انو علبال ما تحكم المحكمة دي سنة  وسنتين انتا قاعد ساااي ...ده حرام عليك وانتا برضو حرامي.

<span;>وقانون الايجارات في السودان في الغالب بضيع حق صاحب العقار....
<span;>اولا: طول الامد في الحكم في القضاياة، طيب الفترة دي البتحملا منو !!!
<span;>ثانيا: يعني شنو زيادة كل تلاته سنة!!!
<span;>والزيادة في الاسواق بتحصل اسبوعيا والدولار بزيد في السنة مية مرة؟!
<span;>انا كصاحب عقار ااكل واشرب كيف اتعالج كيف!!!
<span;>عشان كده المفروض يكون الزيادة على حسب العقد ورضا الاطراف...اللي هي سنوية
<span;>والمفروض الزيادة السنوية ما تكون محددة بنسبة معينة بل تكون بالشي البطلبو صاحب العقار نفع مع المؤجر كان بها ما نفع معاو عندو شهرين بالايجار القديم ويخلي البيت ....
<span;>زيادة ٦٪ والدولار في السنين الفاتت بزيد بنسبة ١٠٠٪.  ....دي كيف!

<span;>عايزين تحددو نسب معينة للزيادة سيطرو على الدولار اول والزيادات الحاصلة في السوق حتن بعداك حتلقو الايجارات تلقائيا ثبتت!

<span;>للمؤجرين ....
<span;>عقد ما موافق عليو ما توقعو من الاول
<span;>وقعت عقد التزم بيو، وياريت لو كل ما صاحب البيت يجي يتكلم معاك تقول ليهو جيب العقد حقنا اول وتعال.

<span;>لكن تقعد تتحايل وتلف وتدور عشان تستغل ظرف معين وقانون اعرف انو فوقك رب عليم ، ما حينفعك اغتصابك لقرش غيرك ابدا في الدنيا ولا في الاخرة

<span;> قانون الايجار ظالم في السودان وعامل مشاكل جمه والان الناس وقفت تاجر نهاي بسبب مشاكل الايجار وجرجرت المحاكم بلسنين وقفلت جميع عقاراته وشبه انعدمت الشقق والبيوت المعروضه للايجار ولاسعار طارات السماء لو اصلن وجد شثه اوبيت للايجار فاضي وفي كميه من الناس باعو عقاراتم وشترو في تركيا ومصر والامارات ...الخ

نطالب بتغير قانون الايجار الظالم المخالف لي شرع الله والفطره البشريه 


محمد عبدالحي المبارك يوسف    تواصل مع كاتب العريضة

التوقيع على هذه العريضة

بتوقيعي على هذه العريضة، فأنا أسمح لـمحمد عبدالحي المبارك يوسف بتقديم توقيعي لأصحاب الصلاحية في هذه القضية.


أو

سوف تتلقى بريدًا إلكترونيًا يحتوي على رابط لتأكيد توقيعك. لضمان استلامك رسائلنا الإلكترونية، يرجى إضافة info@aredaonline.com إلى دفتر عناوينك أو إلى قائمة العناوين الموثوق بها.

يرجى ملاحظة أنه لا يمكنك تأكيد توقيعك بالرد على هذه الرسالة.




إعلان مدفوع

سنقوم بالإعلان عن هذه العريضة لـ3000 شخص.

اعرف المزيد...